Det har vel vore klart ei stund, men i dag kom dei siste offisielle føringane frå regjeringa på plass i form av ein proposisjon om Stad skipstunnel, som vart godkjent i statsråd.
– Bygginga av Stad skipstunnel vil fjerne ein viktig barriere for skipstrafikken i eit av dei mest vêrutsette og krevjande farvatna langs norskekysten. No stadfestar vi bygginga av prosjektet, seier samferdselsminister Knut Arild Hareide.
– Dette er eit stort, omfattande og ikkje minst viktig prosjekt for Kystverket og kyst-Norge, og vi meir enn klar til å bygge verdas første fullskala skipstunnel. Vi er allereie godt i gang med å etablere ein prosjektorganisasjon, utarbeide konkurransegrunnlag og klargjere for anbod, og kan starte byggina av skipstunnelen i 2022, seier kystdirektør Einar Vik Arset.